Zańsyz jumys istegen jasyryn kazınonyń jumysy toqtatyldy
ASTANA. 10 mamyr. QazAqparat - Pavlodar oblysynyń Uıymdasqan qylmysqa qarsy kúres basqarmasy jáne arnaıy jasaq qyzmetkerlerimen jedel-izdestirý is-sharalaryn júrgizý barysynda Qazaqstan Respýblıkasynyń «Oıyn bıznesi týraly» Zańyna qaıshy keletin jasyryn «kazınonyń» jumysy toqtatyldy.
Kazıno negizinen kartanyń «Poker» oıyny boıynsha jumys istegen. Bul týraly Pavlodar oblysynyń ІІD baspasóz qyzmetinen habarlady.
«Jedel shara barysynda zańǵa qaıshy jumys istep kelgen jasyryn kazıno ǵımaratynan 20 karta oınaýshy ustaldy. Sondaı-aq, kazınoda krýpe bolyp jumys isteıtin 3 qyzdyń birinen zańsyz oıynnan túsken aqsha jáne karta men pokerdiń fıshkalary alyndy. Sonymen qatar, kazınony uıymdastyrýshy da anyqtaldy, ol qala turǵyny bolyp shyqty. Osyǵan oraı, qumar oıyndarǵa qatysqany úshin ustalǵandarǵa qatysty ákimshilik is qozǵaldy», - delingen baspasóz aıǵaǵynda. Sonymen qatar, zańsyz kazıno ıesi QR «Oıyn bıznesi týraly» zańnamasymen belgilengen jerlerden tys qumar oıyndardy uıymdastyrǵany jáne ótkizgeni úshin ákimshilik jaýapkershilikke tartylatyn bolady.
