Zańsyz tekseris júrgizgen memlekettik organdardyń 2343 laýazymdy tulǵasy jaýapqa tartyldy

ASTANA. QazAqparat - Zańsyz tekseris júrgizgen memlekettik organdardyń 2343 laýazymdy tulǵasy jaýapqa tartyldy. Bul týraly búgin Májilistiń Áleýmettik-mádenı damý komıtetiniń áleýmettik nysandardyń tekserilýi máselelerine arnalǵan otyrysynda málim boldy.

QR Bas prokýratýrasy Quqyqtyq statıstıka jáne arnaıy esepke alý komıtetiniń tóraıymy Sáýle Aıtpaevanyń aıtýynsha, prokýrorlyq yqpal etý sharalarynyń nátıjesinde júrgizilgen 77 tekseris zańsyz dep tanyldy. «Jalpy alǵanda 2013 jyly prokýratýra organdary kásipkerlerdiń quqyǵyn qorǵaý máseleleri boıynsha 990 tekseris júrgizdi. Onyń barysynda 11480 zańbuzýshylyq anyqtaldy, olardy joıý úshin 1303 prokýrorlyq qadaǵalaý aktisi engizildi. 27 myńnan astam tekseris josparǵa engizilmedi, 3500 zańsyz tekseristiń joly kesildi. Budan bólek, 13 361 kásipkerdiń quqyǵy qorǵaldy. Memlekettik organdardyń 2 343 laýazymdy tulǵasy ártúrli deńgeıdegi jaýapkershilikke tartyldy», - deıdi S.Aıtpaeva.