Zańsyz sotty bolǵan qostanaılyq mınıstrlikten mln teńge óndirip aldy
QOSTANAI. QazAqparat - Qostanaılyq bas bostandyǵynan aıyrý oryndarynda 17 aı jáne 7 táýlik otyryp shyǵyp, Qarjy mınıstrliginen qylmystyq jaýapqa zańsyz tartqany úshin mıllıon teńge óndirip aldy, dep habarlaıdy QazAqparat tilshisi oblystyq sottyń baspasóz qyzmetine silteme jasap.
Er adam Qostanaı oblystyq ІІD men QR Qorǵanys mınıstrliginiń ústinen talap aryz túsirdi.
Іs materıaldaryna sáıkes, 2016 jyldyń 8 mamyrda Áýlıekól AІІB tergeýshisiniń baıanatyna sáıkes, QR QK 297-baby 1-bóliginiń belgileri boıynsha talapkerdiń esirtki zatyn ótkizý faktisi boıynsha qylmystyq quqyq buzýshylyq tirkelgen.
Sotqa deıingi tergeý júrgizilip, keıin is sotqa jiberilgen. Talapker óz kinásin moıyndamaǵan.
«Qostanaı aýdandyq sotynyń 2016 jylǵy 6 qazandaǵy úkimimen talapker kináli dep tanylyp, jeke múlki tárkilenip, 5 jylǵa bas bostandyǵynan aıyrylǵan. Keıin sottalýshy sot sheshimimen kelispeıtindigin bildirip, QR Bas prokýratýrasyna qaıta shaǵymdanǵan.
Qazaqstan Respýblıkasy Joǵarǵy Sotynyń 2018 jylǵy 6 naýryzdaǵy sheshimi boıynsha, birinshi jáne apellıatsııalyq ınstantsııadaǵy úkim ózgergen: Aryzdanýshy qylmys jasamaǵandyqtan, qylmystyq is toqtatylǵan. Qylmystyq protsesti júrgizetin organdardyń zańsyz áreketterinen keltirilgen zııandy óteý týraly talaby qanaǵattandyryldy», - dep túsindirdi ІІD-de.
Er adam bas bostandyǵynan aıyrý oryndarynda 17 aı jáne 7 táýlik otyryp shyǵyp, oǵan keltirilgen moraldyq zalaldy 2 mln teńge dep baǵalaǵan. Alaıda, sot is materıaldaryn zerttep, QR Qarjy mınıstrliginen qostanaılyqtyń paıdasyna 1 mln teńge ótemaqy óndirdi.
