Zańsyz sottalǵan Pavlodar oblysynyń turǵyny moraldyq ótemaqy óndirip aldy
Sot talap aryzdy qaraı kele, ony qanaǵattandyrýdan bas tarty. Sottyń sheshimimen kelispegen shaǵymdanýshy Joǵary sotqa júgingen.
«Pavlodar oblysynyń Ekibastuz qalalyq soty M.-ny QK-niń 108-babyna sáıkes kináli dep tanyp, 53 025 teńge (25 AEK) kóleminde aıyppul salǵan. Sot oǵan eshqaıda ketpeý týraly qolhat túrindegi bultartpaý sharasyn qoldanǵan. Alaıda Pavlodar oblystyq soty úkimniń kúshin joıyp, M.-ny qylmystyq quqyq buzýshylyqty jasady dep taǵylǵan aıyp boıynsha kinásiz dep tanyp, ony aqtady. Sot úkimniń zańdy kúshine enbegendigin, oryndalýǵa jiberilmegendigin, sotqa deıingi tergeý júrgizilmegendigin, bas bostandyǵyn shekteý nemese ózge sharalar qoldanylmaǵandyǵyn alǵa tartyp moraldyq ótemaqy berýden bas tartqan», delingen habarlamada.
Joǵary sot organynyń sot alqasy isti qaraý barysynda jergilikti sottardyń tujyrymdarynyń qate ekendigin anyqtaǵan.
Azamattyq kodekstiń 923-babynyń 1-tarmaǵyna sáıkes, bultartpaý sharasy retinde eshqaıda ketpeý týraly qolhat alýdy zańsyz qoldaný saldarynan keltirilgen zalal quqyq qorǵaý jáne sot organdarynyń kinásine qaramastan zańda belgilengen tártippen tolyq kólemde memleket óteıdi.
«Apellıatsııalyq satydaǵy sot qana talapkerge qatysty qoldanylǵan eshqaıda ketpeý týraly qolhat túrindegi bultartpaý sharasynyń kúshin joıǵan. M. úkim shyqqan kúnnen bastap aqtalǵanǵa deıin sottalǵannyń mártebesinde boldy. Osy eki aıdyń ishinde onyń quqyqtary shekteldi. Qylmystyq qýdalaý organdarynyń áreketteriniń saldarynan talapkerdiń moraldyq zııan shekkendigi týraly ýájderi negizdi dep tanyldy», delingen habarlamada.
Jergilikti sottar ońaltý qajettigin kórsetpegen, sáıkesinshe onyń moraldyq zııandy óndirip alý quqyǵy joq degen negizsiz qorytyndy jasaǵan.
Joǵarǵy sot buryn shyqqan aktilerdiń kúshin joıyp, M-nyń talap-aryzyn ishinara qanaǵattandyrdy. Qarjy mınıstrliginen talapkerdiń paıdasyna moraldyq zııannyń ótemaqysy retinde 100 myń teńge óndirildi.
