Zańsyz shyrsha keskenderge salynatyn aıyppul 15 ese ósti
QOSTANAI. QazAqparat - Qylqan japyraqty aǵashtardy zańsyz kesken qostanaılyqtar qolǵa tústi, dep habarlaıdy QazAqparat polıtsııa departamentiniń baspasóz qyzmetine silteme jasap.
Jyl saıyn 1-31 jeltoqsan aralyǵynda qylqan japyraqty aǵashtardy zańsyz keskeni úshin salynatyn aıyppul kólemi 15 ese ósiriledi. Osyǵan qaramastan shyrshaǵa shúıligip, zańdy belshesinen basatyndar qatary azaıar emes. Jaqynda polıtsııa qyzmetkerleri zańsyz shyrsha kesken Qostanaı oblysynyń tórt turǵynyn ustady.
21 jeltoqsanda Presnogorkovka aýylynan bir shaqyrym jerdegi Pervomaı orman sharýashylyǵynda tártip saqshylary Peschanka aýylynyń eki turǵynyn jáne Kırov aýylynyń azamatyn ustady.
22 jeltoqsanda keshki ýaqytta Qostanaı qalalyq polıtsııa bólimshesiniń kezekshi bólimine orman kúzetshisi júginip, Sadovyı kentiniń mańyndaǵy orman shetinen aǵash tıelgen arbany baıqaǵanyn habarlaıdy. Іz kesken polıtsııa qyzmetkerleri 4 qaraǵaı aǵashyn tıegen Sadovyı kentiniń turǵynyn qolǵa túsirdi. Atalǵan faktiler boıynsha sotqa deıingi tergeý júrip jatyr.
