Zańsyz shyǵarylǵan 2 mln maska men 10 tonna dezınfektsııalyq qural tárkilendi
NUR-SULTAN. QazAqparat - QR Іshki ister mınıstri Erlan Turǵymbaev halyq arasynda qymbat baǵaǵa satylǵan zańsyz qorǵanys buıymdary týraly aıtyp berdi, dep habarlaıdy QazAqparat.
«Qıyn kezeńde qorǵanys buıymdary men antıseptıkti zańsyz satqandar da bar. Polıtsııa dál osyndaı 27 faktiniń jolyn kesti. Turǵyndarǵa qymbat baǵamen satylǵan 2 mln medıtsınalyq maska, 4 myń qorǵanys kostıými jáne 10 tonna dezınfektsııalyq qural zańsyz aınalymnan alyndy. Kináliler jaýapqa tartylyp jatyr», - dedi mınıstr Ortalyq kommýnıkatsııalar qyzmetinde ótken brıfıngide.
Sonymen birge mınıstr oıyn-saýyq ortalyqtarynyń da zańsyz jumys istegenin aıtty.
«Jıi bolatyn qylmystardyń qatarynda saýda nysandarynyń, oıyn-saýyq jáne kóńil kóterý nysandarynyń zańsyz jumys isteýi bar. Karantın rejimin ustanbaǵany úshin 1 800 quqyqbuzýshy ákimshilik jaýapqa tartyldy. Olardyń 400-den astamy qamaýǵa alyndy, 500 - aıyppul salyndy jáne qalǵan materıaldar sot qaraýynda jatyr», - E. Turǵymbaev.
Buǵan deıin mınıstr Almaty men Nur-Sultan qalalaryna zańsyz kirmek bolǵan 33 adam jaýapqa tartylǵanyn habarlaǵan edi.
