Zańsyz saqtalǵan qarý-jaraqty polıtsııaǵa ótkizip, tólemaqy alýǵa bolady
NUR-SULTAN. QazAqparat - 10 sáýirden bastap halyqtan zańsyz saqtalǵan atys qarýlary, oq-dáriler jáne jarylǵysh zattardy satyp alý boıynsha kezekti aktsııa ótkiziledi, dep habarlaıdy QazAqparat elordalyq polıtsııa departamentine silteme jasap.
Erikti túrde tapsyrylǵan qarý-jaraq zattary úshin memleket tarapynan árbir qarýǵa, ıaǵnı onyń túrine baılanysty 10-100 aılyq eseptik kórsetkish (AEK) mólsherinde aqsha tólenedi.
«Tirkelmegen atys qarýlaryn, oq-dáriler men jarylǵysh zattardy óz erkimen tapsyrǵan adamdar qylmystyq jáne ákimshilik jaýapkershilikten bosatylady» dep málim etti vedomstvodan.
«Shuǵyl jeli» telefondary: Nur-Sultan qalasynyń PD - 716-170, 716-366, «Almaty» APB - 716-737, « Saryarqa»APB - 71-66-46, « Esil» APB - 71-65-61, «Baıqońyr» APB - 32-26-14.
Zańsyz saqtalǵan atys qarýlaryn, oq- dárilerdi jáne jarylǵysh zattardy satyp alý jónindegi aqparat qalalyq polıtsııa departamentiniń resmı saıtynda jarııalanǵan.
