Zańsyz oıyn zalyn uıymdastyrýshylar jaýapkershilikten jaltarý maqsatynda utysty túrli tólem kartalarymen beredi

Bul týraly búgin QR Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı aıtty.

«Qylmyskerler jaýapkershilikten ketý maqsatynda utysty túrli tólem kartalarymen beredi, alaıda olar keıin aqshaǵa aýystyrylady»,- dedi M. Jumanbaı.

«Atyraý oblysynda «Tım-Tım» oıyn klýbynda zańsyz qyzmet etetin oıyn avtomattar zaly anyqtaldy. Tergeý anyqtaǵandaı, zal qojaıynynyń zańsyz tabysy 42,7 mln.teńgeni quraǵan. Zaldan 43 oıyn avtomaty jáne 1000 birliktik 83 dana telefon tólem kartasy tárkilendi. Qylmystyq is tergelýde»,- dedi resmı ókil.