Zańsyz oıyn zaldarynan alynǵan avtomattarlyń basym bóligi Qazaqstanda jasalǵan - Qarjy polıtsııasy
ASTANA. 19 sáýir. QazAqparat - Tájirıbe kórsetkenindeı, zańsyz oıyn zaldarynan alynǵan oıyn avtomattarynyń basym bóligi Qazaqstanda jasalǵan.
Bul týraly búgin QR Ekonomıkalyq qylmysqa jáne sybaılas jemqorlyqqa qarsy kúres agenttiginde ótken brıfıng barysynda resmı ókili Murat Jumanbaı málim etti.
«Oıyn avtomattarynyń ózi ishindegi salyndysy men aǵash korpýstan ǵana turady. Onyń salyndysy mıkroshemalardan qurastyrylǵan. Onyń syrtyndaǵy aǵash korpýstaryn jasaý qıyn emes. Máselen, Almaty oblysynda bir azamattyń ústinen qylmystyq is qozǵaldy. Ol osyndaı oıyn avtomattaryn qurastyrýmen aınalysqan. Qazir sottaldy», - deıdi M. Jumanbaı. Onyń aıtýynsha, oıyn avtomattarynyń tek mıkroshemalary ǵana shetelden ákelinýi múmkin. Qalǵan bóliginiń bári elimizde jasyryn túrde jasalady.
