15:18, 01 Qarasha 2021 | GMT +5
Zańsyz oıyn bıznesin uıymdastyrǵan Jańaózen turǵyny sottaldy
AQTAÝ. QazAqparat - Qarjylyq monıtorıng agenttiginiń Mańǵystaý oblysy boıynsha aýmaqtyq departamenti zańsyz oıyn bıznesin uıymdastyrý deregin anyqtady, dep habarlaıdy QazAqparat QR Qarjlyq monıtorıng agenttiginiń baspasóz qyzmetine silteme jasap.
Azamat Q.Agısov derbes kompıýterlerdi lotereıa oıyndaryna arnalǵan apparattar túrinde Jańaózen qalasy, Rahat-1 shaǵynaýdany, Saıajaı kóshesi, 42 ǵımarat meken-jaıy boıynsha ornalastyrǵan.
Qumar oıyndarǵa qajetti 30-dan astam tehnıka tárkilendi.
Qojahmet Agısov 1 jylǵa bas bostandyǵynan aıyrý jazasyna tartyldy.
«Qurmetti azamattar! Eger siz turatyn nemese mekendeıtin jerde oıyn apparaty ornalastyrylsa, ol týraly Agenttikke habarlaı alasyz. Ol úshin Agenttiktiń resmı akkaýntterine jeke habarlamada foto jáne mekenjaıdy joldasańyz nemese +7 (7172) 70-84-78 senim telefondaryna habarlassańyz jetkilikti»,-delingen habarlamada.