Zańsyz oıyn bıznesin uıymdastyrǵan qaraǵandylyq sottaldy
QARAǴANDY. QazAqparat – Zańsyz oıyn bıznesin uıymdastyrǵany úshin Qaraǵandy qalasynyń 41 jastaǵy turǵynyna qatysty bir jylǵa bas bostandyǵyn shekteý jáne 100 saǵattyq májbúrli eńbek etý úkimi shyǵaryldy, dep habarlaıdy QazAqparat tilshisi.
2020 jyldyń tamyzynda qala turǵyny úsh oıyn avtomatyn satyp alyp, qala dúkenderiniń birinde kókónis satý maqsatyn kórsetip, onyń ornyna tıisti lıtsenzııasyz oıyn bıznesin uıymdastyrǵany anyqtaldy.
Qumar oıynshylar jıi dúkenge baryp, avtomatta kóp ýaqytyn ótkizgen. Zańsyz bıznestiń ıesi termınalda aqsha bolmaǵan jaǵdaıda jeńimpazdarmen habarlasyp, olarǵa utys tólegen.
Aıta ketý kerek, onyń zańsyz kazınosynyń jumysy uzaqqa sozylmady, birneshe aıdan keıin ol jabylyp, qaraǵandylyq kásipkerge qatysty qylmystyq is qozǵaldy.
«Oktıabr aýdanynyń probatsııa qyzmetinde oıyn bıznesin uıymdastyrǵany úshin sottalǵan adam tirkeýde tur. Bir jyl ishinde qala turǵyny 100 saǵattyq májbúrli eńbekti óteýi tıis, jaltarǵan jaǵdaıda bas bostandyǵyn shekteý bostandyǵynan aıyrý jazasyna aýystyrylady», - dep habarlady Qaraǵandy oblysy boıynsha QAJD bastyǵynyń orynbasary ádilet polkovnıgi Bekbolat Shákirov.
Oıyn avtomattary sot sheshimi boıynsha joıylýy tıis.
