Zańsyz oıyn bıznesimen aınalysqan azamat 600 myń teńgeden astam aıyppul tóleıdi

QYZYLORDA. QazAqparat - Qarjylyq monıtorıng agenttiginiń Qyzylorda oblysy boıynsha departamentiniń zańsyz oıyn bıznesine qatysty qylmystyq isi boıynsha sot sheshimi shyqty, dep habarlaıdy QazAqparat.

Vedomstvonyń málimetinshe, Qyzylorda qalasynyń turǵyny 33 jastaǵy Marat Daýletov osy jyldyń naýryz-sáýir aılarynda eki páterdi jalǵa alyp, zańsyz oıyn ornyn ashqan.

«Zattaı dáleldeme retinde tanylyp, oıyn ornynan 20 kompıýter, 4 ZOOM oıyn apparaty, 1 modem, aqsha memleket paıdasyna óndirildi. Sarapshy qorytyndysymen jáne kýágerlerdiń jaýabymen M.Daýletovtyń kinási tolyǵymen dáleldenip, oǵan sot sheshimimen 200 aılyq eseptik kórsetkish mólsherinde aıyppul salyndy», - dep jazdy departamentten.

QMA azamattardy patologııalyq qumar oıyndarǵa táýeldilikten qorǵaý maqsatynda zańsyz oıyn bıznesin uıymdastyrý oryndaryn anyqtaý jáne olarǵa tosqaýyl qoıý jumystaryn jalǵastyrady.