Zańsyz óndirilgen 500 lıtrden astam spırt tárkilendi
ÓSKEMEN. QazAqparat - ShQO boıynsha memlekettik kirister departamentiniń qyzmetkerleri aımaqtaǵy Ekonomıkalyq tergeý departamentiniń qyzmetkerlerimen birge Óskemen qalasynda alkogol ónimin zańsyz óndirý deregin anyqtady, dep habarlaıdy QazAqparat.
Vedomstvonyń málimetinshe, onda antısanıtarııalyq jaǵdaıda kúshti spırttik ishimdikterdi daıyndaýdyń tolyq tsıkli uıymdastyrylǵan.
«Tekserý barysynda 2 145 dana «Túrkistan« konıagy, 12 945 konıak buıymdary, 620 dana «OShA« araǵy, 4 000 bos shyny bótelkeler ydysy, 15 000 araq qalpaqshalary, qaqpaqtardy mórleýge arnalǵan 2 qurylǵy, sorǵy men shlangtarǵa qosylǵan 500 lıtrden astam spırti bar plastıkalyq ydys tabyldy. Atalǵan derek boıynsha qylmystyq is qozǵaldy. Sondaı-aq, ákimshilik is qozǵaý máselesi qarastyrylýda», - delingen aqparatta.
