Zańsyz qyzmet kórsetip júrgen taksı júrgizýshileriniń jumysyn toqtatý jospary ázirlendi
ASTANA. QazAqparat - Astana qalasynyń áýejaıynda sáýirden bastap resmı taksı jumys isteı bastaıdy. Bul týraly Investıtsııalar jáne damý mınıstrliginen habarlandy.
«Mundaı sheshim Azamattyq avıatsııa komıteti, áýejaı jáne Astana qalasynyń ákimdigi, sondaı-aq Kóliktegi ishki ister departamenti ókilderiniń qatysýymen ótken keńestiń qorytyndysy boıynsha qabyldandy. Atalǵan komıtet tóraǵasy Beken Seıdahmetov osy mindetterdi iske asyrý maqsatynda Investıtsııalar jáne damý mınıstrligi astanalyq áýejaıdaǵy zańsyz qyzmet kórsetip júrgen taksı júrgizýshileriniń jumysyn toqtatý josparyn ázirlegendigin atap ótti»,-delingen vedomstvo málimetinde.
Atap aıtqanda, jospar boıynsha taksı júrgizýshilerdiń zańsyz qyzmet kórsetýin tyıýǵa baǵyttalǵan qosymsha sharalar eskerilgen. Ol úshin syrttan kelip jatqan jolaýshylardy tasymaldaıtyn taksomotor parkin konkýrstyq negizde belgileıdi.
«Biz jolaýshynyń qaýipsizdigin eń basty orynǵa qoıýdamyz. ıAǵnı, onyń qaýipsizdiginiń aldyn alý men qaýip-qaterden saqtandyrý, taksomotorlyq qyzmet sapasyn qamtamasyz etý - bizdiń basty mindetimiz. Astyrtyn tasymaldaýshylardyń qyzmet kórsetýinen astanalyq áýejaıdyń, qalanyń kireberisindegi basty aınasy retindegi ımıdji nasharlaıdy. Astanalyq jáne basqa áýejaılardaǵy mundaı jaǵdaıǵa múldem jol berýge bolmaıdy», - dep atap kórsetti Beken Seıdahmetov.
Belgili bolǵandaı, resmı taksıdiń qyzmeti jóninde avıajolaýshy ushý kezinde-aq habardar etiledi. Tipten áýejaı ǵımaratynda qalanyń syzbasy, aýdandar jáne sońǵy núktege deıin jetýdiń biryńǵaı quny jaıynda qysqa aqparat ornalasqan bannerler qoıylady.
