Zańsyz kóshi-qonǵa qatysty 27 qylmystyq is qozǵaldy - senator
«Mysaly, pandemııa kezeńinde shekaralar jabylyp, kóptegen mıgranttar shekteýlerge baılanysty Qazaqstan Respýblıkasynyń aýmaǵynan shyǵa almady, soǵan baılanysty Úkimettiń arnaıy qaýlysy qabyldanyp, elde bolý merzimi uzartyldy. Jalpy, osy jyldyń qańtar-aqpan aılarynda halyqaralyq kóshi- qon uıymymen birlesip júrgizilgen jumys nátıjesinde 133 myń mıgrant óz eline oraldy.
Óz erkimen ketýden bas tartqan jáne tergeý organdarynan jasyrynǵan 674 shetel azamaty bes jyl boıy Qazaqstan aýmaǵyna kirý quqyǵynsyz sot tártibimen elden shyǵarylyp, zańsyz kóshi-qon uıymdastyrǵany úshin 27 qylmystyq is qozǵalǵan», - dedi Nurlan Beknazarov.
Onyń aıtýynsha, kóshi-qon elimizdegi ulttyq qaýipsizdikke, áleýmettik – ekonomıkalyq jaǵdaıǵa tikeleı áser etetin sala bolǵandyqtan, kóshi-qon protsesterin rettep, zańsyz kóshi-qonnyń aldyn alý úshin tıisti quqyqtyq negizder jasaý óte mańyzdy.
Budan buryn habarlanǵandaı, búgin Senattyń jalpy otyrysynda «Qazaqstan Respýblıkasynyń Úkimeti men Qyrǵyz Respýblıkasynyń Úkimeti arasyndaǵy kóshi-qon salasyndaǵy yntymaqtastyq týraly kelisimdi ratıfıkatsııalaý týraly» Zańy qabyldandy.