«Zańsyz kelýshi-2014» sharasy aıasynda el aýmaǵynan 618 sheteldik shyǵaryldy - QR ІІM
ASTANA. QazAqparat - 19-23 mamyr aralyǵynda «Zańsyz kelýshi-2014» operatsııasynyń birinshi kezeńi ótkizilip, onyń barysynda Qazaqstan Respýblıkasyna kelýdiń belgilengen tártibin buzǵan 13062 sheteldik jáne azamattyǵy joq tulǵalar, onyń ishinde - 543 alys shetel jáne 12519 TMD-niń azamattary ákimshilik jaýapkershilikke tartyldy.
«Sot sheshimimen elimizden 618 sheteldik shyǵaryldy, onyń ishinde - 35-i alys shet elderden jáne TMD-dan - 583 adam. Azamattyń tulǵasyn anyqtaý maqsatynda qabyldaý-taratý oryndaryna 1377 adam ornalastyryldy», delingen QR ІІM málimetinde.
Shetel jumys kúshin tartý jáne paıdalaný erejesin buzǵany úshin 402 jumys berýshi ákimshilik jaýapkershilikke tartyldy. Sonymen qatar Іzdeýde júrgen 93 adam ustaldy. Kóshi-qon zańnamasyn buzǵany úshin 60 qylmystyq is qozǵaldy.
