Zańsyz kásipkerlikpen aınalysqan aqtóbelik memleketke 650 mln teńgeden astam zalal keltirgen
Agenttiktiń Aqtóbe oblysy boıynsha Ekonomıkalyq tergeý departamenti qyzmetkerleri 2017 - 2019 jyldar aralyǵynda Aqtóbe oblysy aýmaǵyna taýarlardy jetkizý qyzmetterin is júzinde júrgizbeı jalǵan shot-faktýralardy zańsyz jazýmen aınalysqan azamatshanyń is-áreketin áshkereledi.
«Aqtóbe qalasynyń turǵyny 2017 jyly 9 fırma quryp, óz atyna JShS retinde tirkegeni, QQS tóleýshi retinde esepke qoıý arqyly zańdy tulǵany tirkeý rásiminen ótkeni jáne ekinshi deńgeıli bankterde banktik shottar ashqany, JShS arqyly aqsha qarajatyn qolma-qol aqshaǵa aınaldyratyn kontragentterdi izdegeni anyqtaldy. Zańsyz kásipkerlik qyzmetterinen memleketke keltirilgen zalaldyń kólemi 650 mln astam teńgeni qurady», delingen habarlamada.
Aqtóbe qalasynyń №2 sotynyń úkimimen, atalmysh azamatsha Qylımystyq kodekstiń 216-baby 3-bólgimen qylmystyq quqyq buzýshylyq jasaǵany úshin kináli dep tanylyp, 3 jyl 6 aı merzimge bas bostandyǵynan aıyrý jáne 10 jyl ishinde kommertsııalyq uıymdarda basqarýshy laýazymdarda jumys isteý quqyǵynan aıyrý jazasy taǵaıyndaldy.