Zańsyz qarýdy óz erkimen tapsyrǵandar jaýapqa tartylmaıdy – Marat Ahmetjanov

NUR-SULTAN. QazAqparat – Zańsyz qarýdy óz erkimen tapsyrǵandar jaýapqa tartylmaıdy. Bul týraly Májiliste QR Іshki ister mınıstri Marat Ahmetjanov aıtty, dep habarlaıdy QazAqparat tilshisi.

«Zańsyz qarýdy, oq-dárilerdi jáne jarylǵysh zattardy óz erkimen tapsyrǵan adamdar ne ákimshilik, ne qylmystyq jaýapqa tartylmaıdy. Bul zańmen kózdelgen. Sondyqtan tabylǵan qarý-jaraqty polıtsııaǵa tapsyrýǵa shaqyramyn», - dedi mınıstr.

Sonymen qatar urlanǵan qarý-jaraqqa qatysty kez kelgen aqparatty «102» nemese 72-22-45 nómerlerine habarlaýdy surady.

«Elimizde quqyqtyq tártipti jáne azamattardyń qaýipsizdigin qamtamasyz etý boıynsha barlyq qajetti is-shara qabyldanýda», - dep aıaqtady sózin Marat Ahmetjanov.