Zańsyz qarý saqtaǵan 390 adam qylmystyq jaýapqa tartyldy

ASTANA. QazAqparat – Bıyl zańsyz qarý saqtaǵan 390 adam qylmystyq jaýakershilikke tartyldy. Bul týraly ІІM Ákimshilik polıtsııa komıteti Qarý aınalymyn baqylaý basqarmasynyń bastyǵy Asylbek Ydyrysov aıtty, dep habarlaıdy QazAqparat tilshisi.

«Qarýdy satyp alý boıynsha jyl saıyn ótkiziletin aktsııa Іshki ister mınıstrliginiń qoǵamdyq qaýipsizdikti qamtamasyz etý boıynsha qabyldap jatqan jalǵyz is-shara emes ekenin atap ótken jón. Máselen, turaqty negizde «Qarý», «Quqyqtyq tártip» jáne taǵy da basqa óńirlik jáne respýblıkalyq jedel-aldyn alý is-sharalary júrgiziledi. Olardyń aıasynda zańsyz aınalymnan qarý men oq-dáriler alynady», - dedi basqarma bastyǵy mınıstrliktiń baspasóz alańynda ótken brıfıngte.

Máselen, onyń dereginshe, bıyl osyndaı is-sharalar aıasynda 1,3 myń birlikten astam atys qarýy tárkilendi. Soǵan baılanysty qylmystyq jaýapkershilikke 390 adam jáne ákimshilik jaýapkershilikke 818 adam tartyldy.

Aıta keteıik, 2012 jyldan bastap jyl saıyn ótkizilip kele jatqan halyqtan zańsyz saqtalǵan qarý-jaraqtardy satyp alý aktsııasy barysynda jalpy sommasy 1,9 mlrd teńge bolatyn 56 myńnan astam birlik atys qarýy jáne 2 mln astam oıyq qarýdyń patrondary erikti túrde tapsyryldy.

Eske salaıyq, tirkelmegen qarý-jaraqty óz erkimen tapsyrǵan qazaqstandyqtar qandaı da bir jaýapkershilikten bosatylǵan. Bul rette, qarýdyń túrine baılanysty ótemaqy da tólenedi.