Zańsyz qarý, baspanany jalǵa berý, kóshi-qon – Polıtseıler 4 mln páter men úıdi aralap shyqty

ASTANA. QazAqparat – 1-30 qazan kúnderi Іshki ister mııstrligi quqyqbuzýshylyqtardyń aldyn alyp, azamattarmen tyǵyz qarym-qatynas ornatý úshin «Ýchaske» jedel aldyn alý sharasyn ótkizdi. Bul týraly QR Іshki ister mınıstrliginiń ókili Shuǵyla Turlybek aıtty, dep habarlaıdy QazAqparat tilshisi.

Operatsııa kezinde polıtsııa qyzmetkerleri ákimshilik ýchaskelerdi aralap, ishki ister organdarynyń esebinde turǵan adamdardy turǵylyqty jeri boıynsha teksergen jáne azamattyq qarý ıeleriniń turǵylyqty jeri boıynsha saqtalýyn, ýaqtyly tirkelýin jáne qaıta tirkelýin naqtylaǵan.

«Ýchaske» jedel aldyn alý sharasyn ótkizýge 15 myńnan astam qyzmetker jáne myńnan astam eriktiler, qoǵam qaıratkerleri, memlekettik organdar men mekemelerdiń ókilderi jumyldyryldy. Polıtsııa qyzmetkerleri shamamen 4 mln páter men jeke úılerdi aralap, 272 myńnan astam saıajaı men eldimekenderden tys ornalasqan 49 myńǵa jýyq sharýa qojalyqtary men qystaqtardy tekserdi. 99 myńnan astam jalǵa beriletin páter tekserildi, onda memlekettik kirister organdarynda tirkeýsiz 728 baspanany jalǵa berý faktisi anyqtaldy», - dedi Іshki ister mınıstrliginiń ókili aptalyq onlaın brıfıngide.

Sonymen birge, belgili bir turǵylyqty jeri joq 1,5 myńǵa jýyq adam arnaıy qabyldaǵyshtarǵa ornalastyryldy.

«Polıtsııaǵa 7 myńnan astam kámeletke tolmaǵan jastar jetkizildi, olardyń 1,4 myńnan astamy zańdy ókilderinsiz oıyn-saýyq oryndarynda júrgen. Turǵylyqty jeri boıynsha 190 myńnan astam azamattyq qarý ıesi tekserildi, olarda atys qarýyn saqtaý jáne alyp júrý erejelerin buzǵan 1,8 myń jaǵdaı anyqtaldy. Tirkelmegen 212 atys qarýy alyndy. Polıtsııa qyzmetkerleri 184 myńnan astam ákimshilik quqyqbuzýshylyqtyń, onyń ishinde 39,2 myńǵa jýyǵy kóshi-qon zańnamasyn buzýdyń aldyn aldy», - dedi Shuǵyla Turlybek.