Zańsyz esirtki saqtaǵan Ózbekstan azamaty quryqtaldy - Almaty ІІD
ALMATY. Maýsymnyń 10-y. QazAqparat - Jaqynda Almatyda esirtki zatyn zańsyz saqtaǵany úshin Ózbekstan azamaty qolǵa tústi,
dep habarlaıdy qalanyń ІІD baspasóz qyzmeti.
Jetisý aýdany ınspektorynyń kózine túsken jas jigit polıtsııa qyzmetkerin kórgende aıaldama janynda adamdardyń kóptigin paıdalanyp jasyrynyp qalmaq bolǵan.
«Biraq kúdikti qolǵa tústi. Odan 1,53 gramm geroın tabyldy. Ustalǵan azamattyń ózi nashaqor bolǵandyqtan, esirtkini ózi paıdalaný úshin saqtaýy múmkin. Alaıda biz geroın satý úshin saqtalýy da múmkin degendi joqqa shyǵarmaımyz», - dedi Jetisý aýdany ІІB bastyǵy, polkovnık Qanat Taımerdenov.
