Zańsyz dinı ýaǵyz taratqan Petropavl turǵyndaryna aıyppul salyndy
PETROPAVL. QazAqparat - SQO ІІD ekstremızmge qarsy is-qımyl basqarmasynyń qyzmetkerleri ótken jyly dinge qatysty 20 ákimshilik quqyqbuzýshylyqty anyqtady, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
Jalpy somasy 2 mln teńgeni quraıtyn 50 den 300 AEK shamasynda 13 adamǵa aıyppul salyndy. Mysaly, Petropavl qalasynyń eki turǵyny eshqandaı tirkeýsiz dindi ýaǵyzdaý jumystarymen aınalysqan.
«Sot sheshimimen olar kináli dep tanylyp 100 AEK ákimshilik aıyppulǵa tartyldy. Ákimshilik óndiris materıaldary kórsetkendeı, olar «Iegova Kýágerleri» uıymynyń atynan páter aralap, turǵyndarǵa dinı ýaǵyz taratqan», dep jazylǵan baspasóz qyzmeti taratqan habarlamada.
SQO ІІD ekstremızmge qarsy is-qımyl basqarmasynyń basshysy Rýslan Muhambetjanovtyń aıtýynsha, mundaı reıdter jıi ótip turady.
