Zańsyz balyq aýlaǵandarǵa qatysty vıdeonyń mán-jaıy anyqtaldy
Aıta ketsek, budan birneshe kún buryn Sáken Dildahmet Feısbýktegi paraqshasynda belgisiz adamdardyń shaǵyn sý aıdynynda balyqty retsiz ári tyıym salynǵan ádispen aýlap júrgeni týraly vıdeony jarııa etken bolatyn.
Arada kóp kún ótpeı Sáken Dildahmet atalǵan vıdeonyń mán-jaıyn túsindirdi.
«Atalǵan vıdeo boıynsha kelesi málimetti habarlaǵymyz keledi. Almaty oblysynyń orman sharýashylyǵy jáne janýarlar álemi aýmaqtyq ınspektsııasynyń bergen aqparaty boıynsha, vıdeorolıktegi balyq aýlaý Almaty oblysy ákimdiginiń «Іle ırrıgatsııa» sý sharýashylyǵynyń MKK balansyndaǵy qoldan bógelgen sý qoımasynda bolǵan. Sý qoımasynyń aýyl sharýashylyǵyn sýmen qamtamasyz etý sekildi negizgi tapsyrmasynan bólek, atalǵan uıym ózge de adamdarmen bekitken kelisimge sáıkes balyq ósirýmen jáne demalysty uıymdastyrýmen aınalysqan», - dep jazady Sáken Dildahmet.
Onyń keltirgen málimetine sensek, jalǵa alýshy sý qoımasyn paıdalanýda kelisilgen mindettemeler boıynsha buzýshylyqqa jol bergen. Naqtyraq aıtqanda, sý qoımasyn tekserý kezinde qoımanyń metall qurylymy men sý jiberýshi bóliginiń qıraǵany anyqtalǵan.
«Osyǵan baılanysty «Ilırrıgatsııa» kásiporyny sý qoımasynyń zaqymdalǵan bóligin jedel jóndeý týraly sheshim qabyldaǵan. Sý qoımasyn bosatý qajettiligi týyndap, jalǵa alýshy aldyn ala eskertkilgen. Al retsiz balyq aýlaý kelisim jasaǵan taraptardyń sharýashylyqqa ıe sýbektileriniń kelisilmegen áreketiniń nátıjesinde týyndap otyr», - dep jazady ol.
Qazirgi ýaqytta atalǵan ınspektsııa Almaty oblysynyń ІІD-ne tyıym salynǵan jolmen balyq aýlaǵan adamdardy (vıdeoda tirkelgen) jaýapqa tartý týraly hat joldap otyr.
