Zańsyz balyq aýlaǵan sheteldik balyqshylar quryqtaldy - QR UQK
ASTANA. 7 maýsym. QazAqparat - QR UQK Shekara qyzmetiniń Jaǵalaý qorǵaý aımaqtyq baqarmasynyń «Óskemen» shekara kemesiniń ekıpajy Kaspıı teńiziniń qazaqstandyq bóliginde eki sheteldik balyqshy kóligi quralyn ustady,
dep habarlady QR UQK Shekara qyzmeti.
Ustalǵan kemelerdiń júk salǵyshtaryn tekserý kezinde maıshabaq salynǵan jáshikter tabyldy. Olardan sonymen qatar Ázerbaıjan Respýblıkasynyń Balyq sharýashylyǵy mınıstrligi bergen 2011 jyldyń 22 qańtary men 1 mamyry aralyǵynda 80 tonna maıshabaq aýlaýǵa bergen merzimi ótken kvotasy tabyldy.
Ustalǵan «Delfın» jáne «Ledı» balyqshylar kemeleri Qazaqstan Respýblıkasynyń aımaqtyq sýlarynda sheteldik kemelerdiń bolý erejesin buzǵany jáne zańsyz balyq aýlaýmen aınalysqandary úshin protsessýaldyq sheshim qabyldaýǵa Baýtıno aılaǵyna jetkizildi.
