Zańsyz balyq aýlaǵan atyraýlyqtarǵa 15 mln teńge aıyppul salyndy
Jaıyq-Kaspıı oblysaralyq basseındik balyq sharýashylyǵy ınspektsııasy basshysynyń mindetin atqarýshy Mánshúk Temeshovanyń aıtýynsha, bıylǵy 7 aıda oblys aýmaǵynda balyq qorǵaý zańnamasyn buzýdyń 1 242 deregi anyqtalǵan.
«Osy kezeńde 679 adam ákimshilik jaýapkershilikke tartylyp, 146 is ákimshilik sotqa joldandy. Zań buzýshylarǵa 15,1 mln teńge somasynda aıyppul salyndy. Memleket kirisine 11,7 mln teńge óndirildi. Al, aıyppuldan jaltarǵandyń isi jeke sot oryndaýshylar quzyryna jiberildi. Balyq resýrsyna zalal keltirgen brakonerlik faktilerine qatysty 5 is quqyq qorǵaý organdaryna joldandy. Atalǵan faktilerge qatysty qylmystyq is qozǵalyp, balyq resýrsyna keltirilgen zalaldy óteý úshin 15 talap aryz sotqa berildi. Zańsyz aınalymnan 7 tonna 394 keli balyq tárkilendi. Onyń ishinde 688,5 keli bekire tuqymdas balyǵy men 21 keli shortan ýyldyryǵy bar», -deıdi Mánshúk Temeshova.
Onyń deregine súıensek, quqyq qorǵaý organdarymen birlesken reıd kezinde balyq qorǵaý zańnamasyn buzýǵa qatysty 44 derek anyqtalǵan.
«Batys oblystardyń aýmaǵynda 1 sáýir-31 mamyr aralyǵynda ótken keń aýqymdy «Bekire» balyq qorǵaý aktsııasy kezinde 1 231 quqyq buzýshylyq tirkeldi. Zań talabyn buzǵandarǵa 54 qylmystyq is qozǵalyp, 19,7 mln teńge somasynda aıyppul salyndy. Zańsyz aınalymnan 21,3 tonna balyq alyndy. Onyń ishinde 1 tonna 852 keli bekire tuqymdas balyq túrleri bar. Sondaı-aq, balyq aýlaýǵa arnalǵan 2 760 aý, 140 júzý jáne kólik quraly tárkilendi», -dep málim etti Mánshúk Temeshova.
Eske sala ketelik, buǵan deıin Atyraý turǵyny 3 keliden astam bekire ýyldyryǵymen ustalǵanyn habarlaǵan bolatynbyz.
