Zańsyz aınalymnan 118 keli esirtki zattary alyndy - KІІD
ASTANA. 10 sáýir. QazAqparat - 2012 jyly zańsyz aınalymnan 118 keli ártúrli esirtki zattary alyndy.
Bul týraly búgin Kóliktegi ishki ister departameniniń brıfınginde KІІD Esirtki bıznesine qarsy kúres basqarmasynyń bólim bastyǵy, polıtsııa maıory Janbolat Myrzaqasymov málim etti.
Janbolat Bekmuhanulynyń aıtýynsha, basqarma qyzmetkerleri 2012 jylǵy 1-toqsanda esirtki zattarynyń zańsyz aınalymy qylmystaryn anyqtaý boıynsha naqty jumystar atqardy.
Sonymen, aǵymdaǵy jyldyń ótken toqsanynda Kóliktegi ІІD esirtki zattarynyń zańsyz aınalymyna baılanysty 118 qylmysty anyqtaǵan. Onyń ishinde esirtki satýdyń - 65, kontrabandalyq jolmen alyp ótýdiń 3 faktisi tirkelgen. Zańsyz aınalymnan 118 keli ártúrli esirtki zattary alyndy.
«Jalpy esep berý kezeńinde esirtki qylmystaryn jasaǵany úshin 37 adam ustaldy, onyń ishinde 26 adamǵa qatysty «Qamaýǵa alý» bultartpaý sharasy qabyldandy. Ákimshilik tájirıbe boıynsha aǵymdaǵy jylǵy 1-toqsanda esirtkiniń zańsyz aınalymyna baılanysty 72 quqyq buzýshylyq anyqtaldy», - deıdi J. Myrzaqasymov.
