Zańsyz ań aýlaǵan janýarlar dúnıesin qorǵaý mekemesiniń qyzmetkerleri ustaldy - Qyzylorda oblysy
QYZYLORDA. QazAqparat - Aral aýdandyq ishki ister bólimi qyzmetkerleri men Qyzylorda oblystyq orman sharýashylyǵy jáne janýarlar dúnıesi aýmaqtyq ınspektsııasynyń jáne «Ohotzooprom ÓB» RMQK-nyń qyzmetkerleri birlesip reıd uıymdastyrdy.
Nátıjesinde Qazaly aýdanynyń aýmaǵynda ÝAZ avtokóligimen Qazaly orman jáne janýarlar dúnıesin qorǵaý jónindegi MM-niń 5 qyzmetkeri ustaldy, dep habarlaıdy QazAqparat tilshisi.
Tekserý barysynda, avtokólik ishinen 1 dana qos uńǵyly 12 kalıbrli ańshy myltyǵy, 22 dana oq, 1 pyshaq jáne 39 atylǵan qoıan tabyldy.
Qazirgi tanda atalǵan derek Qazaqstan Respýblıkasy Qylmystyq kodeksiniń 335-baby 3-bóligi 4-tarmaǵymen sotqa deıingi tergep-tekserýdiń birynǵaı tizilimine tirkelip, tergep-tekserý jumystary júrgizilýde.
