Zańsyz altyn óndirgen shahterlerdiń basym bóligi qutqaryldy
ASTANA. QazAqparat - Ońtústik Afrıka Respýblıkasynda qutqarýshylar jabyq shahtada altyndy zańsyz óndirýmen aınalysqan bir top shahterdi jer astynan alyp shyqty.
Ázirge qansha adamnyń qutqarylǵandyǵy jaıynda naqty aqparat joq, alaıda aldyn ala aqparat boıynsha jer astynda taǵy 12 adam qalyp otyr.
Atap aıtqanda, senbide apat saldarynan shahtada 200-den astam adam qamalyp qaldy, biraq olardyń kóbi zańsyz kásipteri úshin tutqyndalýy qaýpinen bastapqyda jer ústine shyqqylary kelmedi.
Jer astynda qalǵan shahterler tapqan altyndarynyń tárkilenetinin bilip, shahtadan shyǵýdan bas tartyp otyr.
Aıta keteıik, bul eski shahta Iohannesbýrgten shyǵysqa qaraı ornalasqan Benonı qalasy mańynda ornalasqan.
