Zańsyz aktıvti qaıtarý: Qylmystyq protseske tartylǵan tulǵalar da aktıvin óz erkimen qaıtara alady

ASTANA. QazAqparat – Ádilet vıtse-mınıstri Alma Muqanova zańnamaǵa qylmystyq protseske tartylǵan tulǵalardyń aktıvin óz erkimen qaıtarýyna quqyq beretin bap engiziletinin málim etti, dep habarlaıdy QazAqparat tilshisi.

«Zań jobasynda aktıvti qaıtarýǵa múmkindik beretin strategııalardyń kóptegen joldary jazylǵan. ıAǵnı, olar zańnamamen bekitiledi. Ár naqty jaǵdaıǵa baılanysty qolda bar materıal men taldaý negizinde qandaı jol qoldanylatyny týraly sheshim qabyldanady», - dedi ol.

Sondaı-aq, ol aktıvti óz erkimen qaıtarý kelisimi qalaı jasalatynyn túsindirdi.

«Sondaı-aq, tizbege ıeliginde nemese baqylaýynda aktıv bar tulǵalar engiziledi. Olardyń sot protsesine qatysy bolmasa da, quqyqtary bolady. ıAǵnı, ústinen qylmystyq protsess júrip jatsa da, aktıvti erkimen qaıtarýǵa quqyly bolady. Bul ýákiletti organnyń qyzmeti aıasynda bolsa, erikti qaıtarý týraly kelisim jasaý múmkindigi bolady. Bizde azamattyq jáne qylmystyq protseste protsessýaldyq kelisimder bekitetin ınstıtýttar bar. Azamattyq protseste bul protsessýaldyq kelisim, al qylmystyq protseste kinásin jáne qaıtarýdy moıyndaý týraly protsessýaldyq kelisim bolady», - dedi Alma Muqanova.