Zańsyz saqtaý jáne satý: Astanada saýdagerler veıp satqany úshin jazalandy
ASTANA. KAZINFORM – Bıyl naýryz aıynan bastap Astananyń barlyq bes aýdanynda veıp pen nasybaıdyń zańsyz taralýy men qoldanylýyn anyqtaý boıynsha júıeli negizde reıdter júrgizilip jatyr. Osy ýaqyt ishinde qala boıynsha myńdaǵan saýda orny tekserilip, júzdegen buzýshylyq anyqtaldy, dep habarlaıdy elorda ákimdiginiń resmı saıty.
Saryarqa aýdany boıynsha jyl basynan beri veıp pen nasybaıdy zańsyz satýdyń 70 faktisi anyqtaldy. Saýda oryndaryna 3 645 850 teńge aıyppul salyndy. Sondaı-aq sotqa deıingi tergeý júrgizilip, tórt qylmystyq is qozǵaldy.
Kezekti reıd kezinde Esil aýdanynda shegilmeıtin temeki ónimderin, veıpterdi satýdyń 15-ke jýyq faktisi anyqtaldy. Olar zańsyz saýda jasaǵany úshin jaýapqa tartyldy.
Baıqońyr aýdany boıynsha is-sharalar barysynda J.Omarov, A. Imanov, Kenesary, A.ıAnýshkeevıch, Sh.Ýálıhanov, A.Sembınov, Otyrar, M.Lermontov, Alash tasjoly, Syrdarııa, S.Seıfýllın, A.Jangeldın, Taraz, J.Dosmuhameduly, Jetigen, Aqjol, T.Hýseın, A.Kravtsova, A.Baraev kóshelerinde ornalasqan 262 kásipkerlik nysan boıynsha temeki shekpeıtin temeki ónimderin zańsyz satý turǵysynan profılaktıkalyq túsindirý júrgizildi.
Reıd nátıjesinde 9 saýda núktesine 25 AEK aıyppul salyndy, sonymen qatar 5 zańsyz saqtaý orny tabyldy, onda shamamen 4 tonna nasybaı tárkilendi.
Jyl basynan bastap 15 maýsymǵa deıin Nura aýdany boıynsha veıp pen snıýstiń zańsyz saýdasynyń 8 faktisi anyqtaldy. Buzýshylarǵa 369 200 teńge aıyppul salyndy.
Almaty aýdanynda reıdter barysynda 200-den astam nysan tekserildi.
Polıtseıler 64 zańbuzýshylyqty anyqtady, onyń ishinde:
– Shegilmeıtin temeki ónimderin satýdyń 42 faktisi (nasybaı). Barlyq fakti boıynsha QR ÁQBtK-niń 196-baby boıynsha 25 AEK mólsherinde aıyppul túrinde ákimshilik jaza qoldanylyp ákimshilik hattamalar jasaldy.
– Mekemelerde temeki ónimderin (kalıan) tutynýdyń 21 faktisi, QR ÁQBtK 441-baby boıynsha ákimshilik hattamalar jasaldy, 15 AEK mólsherinde aıyppul túrinde ákimshilik jaza qoldanyldy;
– Jıyrma bir jasqa tolmaǵan adamdarǵa temeki ónimderin satýdyń 1 faktisi úshin QR ÁQBtK-niń 423-1-baby boıynsha 15 AEK mólsherinde aıyppul túrinde ákimshilik jaza qoldanylyp, ákimshilik hattama jasaldy.
Tirkilengen temeki ónimderi joıyldy.
Іs-sharalar barysynda shaǵyn jáne orta bıznes ıelerimen shegilmeıtin temeki ónimderin satýǵa jol bermeý týraly profılaktıkalyq túsindirý júrgiziledi.
Bul baǵyttaǵy jumys jalǵasyp jatyr.
