Zańsyz oıyn bıznesi týraly 2024-2026 jyldarǵa arnalǵan keshendi jospar qabyldanady – Erlan Qarın
ASTANA. KAZINFORM – ASTANA. KAZINFORM — Memlekettik keńesshi Erlan Qarın Ulttyq quryltaıdyń úshinshi otyrysynda kóterilgen bastamalardy is júzinde júzege asyrý protsesi bastalǵanyn aıtty.
Aıtýynsha, Prezıdenttiń ulttyq quryltaıda kótergen bastamalary quzyrly memlekettik organdardyń uzaq merzimge arnalǵan jumysyna arqaý bolyp otyr. Osyǵan oraı zańsyz oıyn bıznesine jáne lýdomanııaǵa qarsy kúrestiń 2024-2026 jyldarǵa arnalǵan keshendi jospary jáne basqa da baǵdarlamalyq qujattar qabyldanady.
«Prezıdent Ákimshiligi Ulttyq quryltaıdyń úshinshi otyrysynan keıin Úkimetpen birlesip, Memleket basshysynyń bastamalaryn tıimdi júzege asyrý joldaryn pysyqtady. Sonyń nátıjesinde búgin Prezıdent tapsyrlamalaryn oryndaýǵa arnalǵan jospar qabyldandy. Qujattyń kólemi aýqymdy, 40 tarmaqtan turady. Onda túrli is-sharalar kózdelgen. Josparǵa sáıkes 10 zań (esirtki óndirgeni úshin jaýapkershilikti qatańdatý, lýdomanııaǵa qarsy kúresý, tarıhı nysandardy qorǵaý, arheologııa salasy, onomastıkaǵa qatysty jumys, memlekettik nagradalar týraly jáne basqalary) ázirlenip qabyldanady. Sondaı-aq zańsyz oıyn bıznesine jáne lýdomanııaǵa qarsy kúrestiń 2024-2026 jyldarǵa arnalǵan keshendi jospary jáne basqa da baǵdarlamalyq qujattar qabyldanbaq. Bir sózben aıtsaq, Prezıdenttiń Atyraýda kótergen bastamalary quzyrly memlekettik organdardyń uzaq merzimge arnalǵan jumysyna arqaý bolyp otyr», - dep jazdy Erlan Qarın Telegram arnasynda.
