Zańsyz mıgratsııaǵa qatysty baqylaý kúsheıtildi - SІM
ASTANA. KAZINFORM — Syrtqy ister mınıstri Ermek Kósherbaev Qazaqstanǵa zańsyz kóshi-qon aǵynynyń kúsheıý yqtımaldyǵyna qatysty túsinikteme berdi. Qazir birqatar elde bosqyndar aǵynyn baqylaýdy kúsheıtý úrdisi baıqalyp otyr.
- Shengen aımaǵy kelisimi elderi shekaralarynda baqylaýdy kúsheıtip jatyr, sebebi bosqyndar sany artyp keledi. Árıne, zańsyz mıgratsııa máselesi. Sondyqtan bul elder tıisti shara qabyldaýǵa quqyly. Osy máseleni eskere otyryp, olar qadaǵalaýdy qatańdatty, - dedi E. Kósherbaev Senatta tilshiler suraǵyna jaýap bere otyryp.
Bul turǵyda Qazaqstanda da osyndaı sharalar qabyldaǵan.
- Sondaı-aq biz zańsyz kóshi-qondy, onyń kólemi men aǵynyn azaıtýǵa tyrysyp kelemiz. Atap aıtqanda, zańsyz mıgratsııaǵa jol bermeý máselesi baqylaýda tur, - dedi mınıstr.
Buǵan deıin habarlanǵandaı, 2025 jyly Jerorta teńizi men Afrıka múıisi sııaqty qaýipti kóshi-qon baǵyttarynda shamamen 8 myń adam qaza tapty nemese habar-osharsyz ketti.
