Zańsyz kóshi-qonǵa qarsy kúres: jyl basynan beri 100 quqyq buzýshy ustaldy
ASTANA.KAZINFORM — Qazaqstannyń shekara qaýipsizdigin kúsheıtý jáne kóshi-qon zańnamasynyń saqtalýyn baqylaý baǵytyndaǵy jumystar jalǵasýda. Qabyldanyp jatqan sharalar zańsyz kóshi-qon faktilerin anyqtaýǵa jáne olardyń aldyn alýǵa múmkindik berip otyr. Bul týraly UQK baspasóz qyzm eti málim etti.
— QR UQK Shekara qyzmeti zańsyz kóshi‑qonǵa qarsy udaıy negizde jedel‑izdestirý is‑sharalary keshenin iske asyrady. 2026 jylǵy maýsym aıynda Aqtóbe, Almaty, Jambyl, Batys Qazaqstan, Pavlodar jáne Túrkistan oblystarynda Memlekettik shekarany zańsyz kesip ótýge áreket jasaǵan 15 shetel azamaty ustaldy. Jalpy alǵanda, jyl basynan beri 100 quqyq buzýshy ustalyp, zańsyz kóshi‑qonnyń 25 arnasy joıyldy. Atalǵan faktiler boıynsha QR Qylmystyq kodeksiniń 392‑baby boıynsha 178 qylmystyq is qozǵaldy, — delingen habarlamada.
QR UQK Shekara qyzmeti Memlekettik shekarany zańsyz kesip ótýge jáne mundaı áreketterge járdemdesýge qylmystyq jaýapkershilik kózdelgenin eske salady, sondaı‑aq azamattardy Qazaqstan Respýblıkasynyń zańnamasynyń talaptaryn qatań saqtaýǵa shaqyrady.
Buǵan deıin QR Ulttyq qaýipsizdik komıteti qyzmetkerlerdiń jer qatynastary bólimi basshysynyń mindetin atqarýshy Nurjan Ájibaevqa qatysty sotqa deıingi tergeý júrgizip jatqanyn rastady.
