Zańsyz kazıno uıymdastyrǵan toptan quny 420 mln teńgeden asatyn múlik tárkilendi
ASTANA. KAZINFORM – Qarjylyq monıtorıng agenttiginiń Almaty oblysy boıynsha departamenti zańsyz ınternet-kazıno uıymdastyrǵan qylmystyq topqa qatysty tergeý júrgizip jatyr, dep habarlaıdy agenttiktiń bapasóz qyzmeti.
Baspasóz qyzmetiniń málimetterine qaraǵanda, zańsyz qyzmetti jasyrý maqsatynda jalǵan tulǵalardyń atyna tirkelgen baılanysy bar zańdy tulǵalardyń keń jelisi paıdalanylǵan. 1Win ınternet-platformasy 11 myńnan astam onlaın oıynǵa, sondaı-aq sporttyq jáne kıbersporttyq oqıǵalarǵa bás tigýge múmkindik bergen.
Bás qabyldaý jáne utystardy tóleý bank kartalary, elektrondy tólem júıeleri jáne krıptovalıýta arqyly júzege asyrylǵan.
Kúdiktiler halyqaralyq izdeýge jarııalanyp, olarǵa qatysty syrttaı qamaýǵa alý túrindegi bultartpaý sharasy sanktsııalanǵan. Budan bólek, qylmystyq jolmen alynǵan kúdiktilerdiń múlkin memleket paıdasyna alý úshin sotqa deıingi tárkileý sharalary qoldanylǵan.
Onyń ishinde: Mercedes Maybach S500, Lamborghini Huracan, Toyota Land Cruiser avtokólikteri, sondaı-aq bank shottaryndaǵy 151 mln teńge, 14 600 AQSh dollary jáne 44 400 eýro bar. Sot qaýlysymen jalpy quny 420 mln teńgeden asatyn múlik memleket kirisine tárkilendi.
Osyǵan deıin QMA-nyń áleýmettik medıtsınalyq saqtandyrý qorynyń qarajatyn jymqyrýǵa qatysty bes isti tergep jatqany týraly jazdyq.