Zańsyz ıemdenilgen aktıvterdi qaıtarý jónindegi komıssııa memleketke qosymsha 235 mlrd teńge aýdarady
ASTANA. KAZINFORM - Premer-Mınıstr Oljas Bektenov Zańsyz ıemdenilgen aktıvterdi memleketke qaıtarý máseleleri jónindegi komıssııanyń otyrysyn ótkizdi. Bul týraly Úkimettiń baspasóz qyzmeti habarlady.
Komıssııa 235 mlrd teńgeden astam somaǵa aktıvterdi erikti túrde qaıtarý týraly birqatar kelisim jasasýdy maquldady. Onyń ishinde 230 mlrd teńge aqshalaı túrde Qarjy mınıstrliginiń shotyna aýdarylatyn bolady. Sondaı-aq jer qoınaýyn paıdalaný kásiporyndaryndaǵy aktsııalar, jer telimderi jáne Almatydaǵy ákimshilik ǵımarat memlekettiń menshigine ótedi.
Sonymen qatar komıssııa «Zańsyz ıemdenilgen aktıvterdi memleketke qaıtarý týraly» QR zańynda kózdelgen tulǵalarmen jalpy quny 28 mlrd teńgeden astam ınvestıtsııalyq jáne áleýmettik jobalardy iske asyrý týraly kelisimder jasasýdy qoldady. Qarajatty el ekonomıkasyna qaıta ınvestıtsııalaý – «Zańsyz ıemdenilgen aktıvterdi memleketke qaıtarý týraly» Qazaqstan Respýblıkasynyń Zańynda kózdelgen aktıvterdi qaıtarý sharalarynyń biri.
Jalpy, jyl basynan beri komıssııa sheshimderiniń negizinde memleketke 325 mlrd teńgeden astam somanyń aktıvteri qaıtaryldy. Onyń ishinde aqshalaı qarajat, 13 myń gektar jer, tarıhı-mádenı mura zattary, qymbat zergerlik buıymdar bar.
Buǵan deıin zańsyz aktıvterdi qaıtarý jónindegi komıssııa memleket kirisine qosymsha 40 mlrd teńge qaıtarylǵanyn málimdedi.
