Zańsyz ıemdelgen krıptoaktıvterdi qaıtarýmen aınalysatyn qor quryla ma

ASTANA. KAZINFORM – Ulttyq bank tóraǵasynyń orynbasary Berik Sholpanqulov zańsyz ıemdelgen aktıvterdi qaıtarýmen aınalysatyn qor qurý týraly usynysqa jaýap berdi.

Májilis depýtaty Oljas Qusbekov Ulttyq bank janynan memleket alyp qoıǵan krıptoaktıvterdi qabyldaıtyn qor qurýdy usynǵan bolatyn. Ulttyq bankte ótken baspasóz máslıhatynda osy usynysqa resmı jaýap aıtyldy.

- Birinshiden, zań talaby boıynsha krıptoaktıvter múlikke teńestirilgen. Ekinshiden, memleket alyp qoıǵan aktıvtiń bári bıýdjetke kiris retinde túsedi. Qarjy mınıstrliginiń qurylymynda memleket alyp qoıǵan aktıvterdi qabyldap, satatyn, sol arqyly bıýdjetke kiris kirgizetin Memlekettik múlik komıteti bar. Sondyqtan jeke qor qurý qajet emes dep oılaımyn, - dedi Berik Sholpanqulov jýrnalıstiń suraǵyna bergen jaýabynda.

Buǵan deıin Qazaqstanda krıptovalıýta satýshylar 5 mlrd teńgege jýyq salyq tólemegeni belgili bolǵan edi.