Zańsyz aınalymnan zııatkerlik menshik salasynda 78 711 kontrafaktilik ónim tárkilendi – Ádilet mınıstrligi

ASTANA. KAZINFORM – Elimizde zııatkerlik menshik salasyna tsıfrlyq sheshim engizý josparlanyp otyr. Bul týraly tolyǵyraq Ádilet mınıstrliginiń resmı ókili Talǵat Ýálı aıtyp berdi.

- Zııatkerlik menshik avtorlary quqyǵynyń ashyqtyǵy men qorǵalýyn kúsheıtý úshin avtorlyq jáne ujymdyq basqarý salasynda tsıfrlyq platforma engiziledi. Taraptar jeke kabınet arqyly barlyq óner týyndysynyń qaı jerde qanshalyqty oryndalyp jatqanyn bile alady. Sol sııaqty qandaı tólemaqy tıesili ekenin jáne jyl sońynda qansha qarajat alatynyn onlaın rejımde baqylaý múmkindigi bar, - dedi Talǵat Ýálı Ortalyq kommýnıkatsııalar qyzmeti alańynda ótken baspasóz máslıhatynda.

Resmı ókil keltirgen málimetke súıensek, aýmaqtyq ádilet organdary zııatkerlik menshikti taǵaıyndaý barysyn tekserý týraly 156 akti shyǵardy. Onyń nátıjesinde 138 zańbuzýshylyq anyqtaldy.

- Ákimshilik-quqyqbuzýshylyq týraly kodeksiniń 158-baby boıynsha 142 is qozǵaldy. Zańsyz aınalymnan 78 711 kontrafaktilik ónim tárkilendi. Bul baǵyttaǵy jumys jalǵasady, - deıdi ol.

Eske salaıyq, bıyl 23 sáýirde Májilis zııatkerlik menshikti damytýǵa jaǵdaı jasaıtyn qujatty maquldady.