Zańsyz aınalymdaǵy 37 tonnadan astam esirtki tárkilendi - mınıstrlik
Іshki istir mınıstrligi Esirtkige qarsy is-qımyl departamenti bastyǵynyń orynbasary Baqytjan Ámirhanov jyl basynan beri anyqtalǵan esirtki qylmystary jaıynda málim etti, dep habarlaıdy Kazinform.
«Qazir 4 aıdan astam ýaqyt boıy nashaqorlyq pen esirtki bıznesine qarsy kúrestiń keshendi jospary belsendi júzege asyrylyp jatyr. Keshendi jospardyń negizgi baǵyttaryn iske asyrý maqsatynda osy jyldyń ótken kezeńinde atqarylǵan jumystyń nátıjelerine toqtalsaq, 2775 esirtki qylmysy, 1568 esirtkini ótkizý faktisi jáne asa iri mólsherde esirtki saqtaýdyń 415 faktisi anyqtaldy. Zańsyz aınalymnan 37 tonnadan astam esirtki, onyń ishinde 73 keli geroın men 191,5 keli apıyn, sondaı-aq 5 tonna keptirilgen marıhýana men 503 k eli gashısh tárkilendi. Anyqtalǵan sıntetıkalyq esirtkiniń kólemi 890 kelige jetti, sondaı-aq 69 jasyryn zerthana joıyldy», - dedi B. Ámirhanov ІІM baspasóz qyzmeti alańynda ótken brıfıngte.
Onyń aıtýynsha, esirtki kontrabandasynyń 300 faktisi anyqtaldy.
«Sonymen qatar, 6 uıymdasqan qylmystyq toptyń áreketine tosqaýyl qoıyldy. Olardyń 6 basshysy men 54 múshesi qylmystyq jaýapkershilikke tartylyp jatyr. Olarǵa qatysty uıymdasqan qylmystyq topty uıymdastyrǵany jáne oǵan qatysqany úshin 14 qylmystyq is qozǵaldy. Jalpy, qylmystyq jolmen alynǵan somasy 114 mln teńgeden asatyn aqshalaı qarajatty zańdastyrýdyń 3 faktisi anyqtaldy. Top múshelerinen 100 keliden astam esirtki, 84 tonnadan astam prekýrsor jáne 24 tonna «apıyn kóknári» tárkilendi», - dedi vedomstvo ókili.
