Zańsyz aktıvter kóbine qaı elderden qaıtarylyp jatyr
ASTANA. KAZINFORM – QR Sybaılas jemqorlyqqa qarsy is-qımyl agenttiginiń resmı ókili Danııar Bıgaıdarov elimizge zańsyz aktıvter qaı elderden qaıtarylyp jatqanyn aıtty.
— Aktıvterdiń edáýir bóligi shetelden qaıtaryldy. Mundaı aktıvterdiń somasy 670,5 mln AQSh dollaryn qurady. Onyń ishinde Avstrııadan 82,1 mln dollar, Lıhtenshteınnen 260,5 mln dollar, BAÁ-den 14 mln dollar, Túrkııadan 13,92 mln dollar qaıtaryldy. Sondaı-aq, sheteldik baǵaly qaǵazdardy satýdan 300 mln dollar qarjy tústi, - dedi remı ókil.
Sonymen qatar, Reseı men Frantsııadan da aktıvter anyqtalǵan, olar qazir «Qaıtarylǵan aktıvterdi basqarý kompanııasy» JShS-ne berildi.
— Aktıvterdi izdeý qylmystyq isterge qatysy bar tulǵalardyń qarjylyq aǵyndaryn jáne olardyń ál-aýqatyn taldaý arqyly júzege asyrylady. Tekserýge tek kúdiktiler ǵana emes, olardyń senimdi adamdary, týystary jáne t.b. tartylady. Jumys barysynda Egmont Group beıresmı baılanys arnalary, CARIN (Eýropa), ARIN (Azııa), GlobE jelileri sııaqty halyqaralyq quraldar paıdalanylady, olar sheteldik seriktestermen aqparat almasý ýaqytyn aıtarlyqtaı qysqartýǵa múmkindik beredi. Sonymen qosa Interpol usynǵan múmkindikter de paıdalanylýda, quqyqtyq kómek kórsetýge halyqaralyq tergeý tapsyrystary resmı túrde jiberilýde, - deıdi Danııar Bıgaıdarov.
Astanada para alyp, balabaqsha ornyn saýdaǵa salǵan sheneýnik ustaldy.
Sportty damytý dırektsııasynyń basshysy 584 mln teńge qarjy jymqyrǵany anyqtaldy.
Antıkor eki jylda 1 trln 100 mlrd teńgeniń zańsyz aktıvteri qaıtardy.