Zańsyz aktıvter: Qaıtarylǵan qarjyǵa 92 myń oryndyq 83 mektep salynady

ASTANA. KAZINFORM — Qaıtarylǵan zańsyz aktıvterdiń qarjysyna elimizde 92 myń oryndyq 83 mektep salynady. Bul týraly QR Sybaılas jemqorlyqqa qarsy is-qımyl agenttiginiń resmı ókili Danııar Bıgaıdarov aıtty.

— Qor («Qazaqstan halqyna» qory — red) qurylǵan ýaqyttan beri Sybaılas jemqorlyqqa qarsy qyzmet birqatar oblystar men iri qalalarda 92 myń oryndyq 83 mekteptiń qurylysyna 153,3 mlrd teńge qarjy bóldi. Osylaısha, 2024 jyldyń basynan beri 18 jańa mektep salyndy. Negizgi úles Astanaǵa, sondaı-aq Mańǵystaý, Almaty, Jambyl oblystaryna tıesili. Mysaly, Jambyl aýdany Tóle bı aýylyndaǵy 300 oryndyq Ál-Farabı atyndaǵy orta mektep paıdalanýǵa berildi. Qyzylordada fızıka-matematıkalyq baǵyttaǵy 400 oryndyq mektep-ınternat pen 300 oryndyq jataqhana qurylysy aıaqtalýǵa jaqyn, — dedi ol.

Resmı ókildiń aıtýynsha, jańa mektepterdiń salynýy 9 bilim berý uıymynda oryn tapshylyǵyn, onyń ishinde 6 úsh aýysymdy mektep, 2 apatty jáne 1 apatty mektep máselelerin sheshýge múmkindik berdi.

Barlyq josparlanǵan 83 mekteptiń 56-sy salynyp, paıdalanýǵa berildi, 10-y aıaqtalý satysynda, taǵy 17 mektep 2025 jylǵa josparlanǵan.

Aıta keteıik, Astanada para alyp, balabaqsha ornyn saýdaǵa salǵan sheneýnik ustaldy.

Sondaı-aq, Sportty damytý dırektsııasynyń basshysy 584 mln teńge qarjy jymqyrǵany anyqtaldy.

Budan bólek, Antıkor eki jylda 1 trln 100 mlrd teńgeniń zańsyz aktıvteri qaıtardy.

Zańsyz aktıvter kóbine qaı elderden qaıtarylyp jatqany aıtyldy.

Jambylda ustalǵan kúdikti polıtseı Antıkor qyzmetshisine qarý kezengen.

«Kaspıı» FK basshysy dinı aǵym ókilderimen birlese aqsha bopsalaǵany belgili boldy.