Zańnyń oryndalýy barlyq tutynýshylarǵa mindetti - Almatydaǵy
ALMATY. Naýryzdyń 11-i. QazAqparat /Názıra Eleýhan/ - Jeke jáne jalpy úıge ortaq esepteý aspaptary bar bolǵan kezde ǵana tutynýshy naqty tutynǵan sýdyń kólemi men jylý energııasynyń naqty tutynǵan sany úshin tólem júrgize alady.
Bul týraly búgin "Tabıǵı monopolııalar jáne retteletin naryqtar týraly" QR Zańynyń normalaryn iske asyrýdy retteýde esepteý aspaptaryn qondyrýdy talqylaýǵa arnalǵan "dóńgelek ústel" otyrysyna qatysýshylar málimdedi, dep habarlaıdy QazAqparat.
"Búgingi kúni tabıǵı monopolııaly sýbektilerde jylý energııasyn esepteý quraldarynyń jalpy qajettiligi 13 289-dy quraıdy. Kóp bólmeli úılerge - 5526, jeke menshik jer úılerge - 2782, bıýdjettik uıymdarǵa- 683, qalǵandaryna - 42980 esepteý quraldary qajet. Olardyń barlyǵynyń 4403-i qoıyldy. Kóp bólmeli úılerge - 1223, jeke menshik jer úılerge - 243, bıýdjettik uıymdarǵa- 683, qalǵandaryna - 2254 esepteý quraly ornatyldy. Ystyq sýdy esepteý aspabynyń 264 000 danasy qajet. Búgingi kúni onyń 217 173-si quryldy", dedi "Almaty jylý júıesi" AQ-nyń Bas dırektory Igor Pırogov.
Jıyn barysynda aspaptardy qurý boıynsha arnaıy erejeni jasaý kerek degen pikirler aıtyldy. Onyń sebebin, olar qalada ornalasqan 1960 jylǵy salynǵan 810 -nan astam eski úılerge jylý energııany esepteıtin ortaq esepteý aspaptaryn qoıa almaıtyndyǵymen túsindirdi.
«Almatyjylýkommýnenergo» AQ-nyń Bas dırektory Valerıı Torlanbaevtyń aıtýynsha, zańnamanyń oryndalýy úshin ár túrli joldaryn qarastyrý kerek. "Óıtkeni tekserý kórsetkendeı, negizinen ystyq sý men sýyq sýdy esepteıtin jeke esepteý aspaptaryn úı ıeleri qoıǵylary kelmeıdi. Ásirese, páterlerin jalǵa beretin úı ıeleri. Dál, osy páterlerde sýdyń asa kóp shyǵyny bolady", dep atap ótti jıyn barysynda V. Torlanbaev.
Sýdyń esepteý aspabyn qondyrýdy mindetteý týraly Almaty qalasy sotynyń birneshe sheshimi shyqqan. Osy máselege oraı, otyrys barysynda "Almaty qalasyn esepteý aspabymen jabdyqtaý 100 paıyzǵa jetkenge deıin baqylaý júrgizý jumystary jalǵasatyn bolady" dep atap ótildi.
