«Zańnyń keri kúshi joq» qaǵıdaty eks-prezıdent týystaryn qandaı jaǵdaıda qorǵaı alady - Aıdos Sarym
«Ádilet mınıstri Elbasy týraly Konstıtýtsııalyq zań kúshin joıǵannan keıin onyń týystary «tıispeýshilik» mártebesinen aıyrylatynyn aıtty. Biraq olardyń osy zań kúshin joıǵanǵa deıin jasaǵan áreketteri úshin jaýapqa tartylmaıtyny aıtyldy. Buǵan qandaı pikir bildiresiz?» dep surady BAQ ókili.
Aıdos Sarymnyń aıtýynsha, bul másele Nursultan Nazarbaev týystary áreketiniń sıpatyna baılanysty.
«Túsinesiz be, «Zańnyń keri kúshi joq» deıtin qaǵıdat bar. Mysaly, qazir samokatqa qatysty zań normalary qaralyp jatyr. Keıin osy samokat boıynsha birqatar sanktsııalar qabyldanýy múmkin. Jyldamdyqty asyrsańyz, aıyppul salýy múmkin degen sııaqty. Biraq bir jyl buryn jyldamdyqty asyryp júıtkip júrgeniń úshin zań qabyldanyp bolǵannan keıin jazaǵa tarta almaıdy ǵoı. Bul jerde de osyndaı prıntsıp bar», - dedi Aıdos Sarym.
Sondaı-aq, ol mundaı kúrdeli máseleler Konstıtýtsııalyq sot arqyly retteletinin eske saldy.
«Alaıda, bir jaǵynan, Konstıtýtsııalyq sot bar. Qandaı da bir máseleler talqylanatyn bolsa, Konstıtýtsııalyq sot árbir oqıǵa nemese árbir normatıvtik akt boıynsha sheshim qabyldaıdy. Odan keıin eskirý merzimi joq qylmystar bar. Aıtalyq kisi óltirý, genotsıd degen sııaqty. Olardyń mundaı qylmystarǵa qatysqan-qatyspaǵanan men bilmeımin. Biraq ondaı ister bolsa, erekshe jaǵdaı bolady», - dedi depýtat.
