Zańnyń jekelegen babyna nemese erejesine daý aıtýǵa bola ma
ASTANA. KAZINFORM — Konstıtýtsııalyq Sot azamattardyń qandaı jaǵdaıda normatıvtik quqyqtyq aktilerdiń normalaryna daý aıta alatynyn túsindirdi.
— Azamattar ózderiniń konstıtýtsııalyq quqyqtary men bostandyqtaryna tikeleı qatysty bolsa, normatıvtik quqyqtyq aktiniń jekelegen babyna nemese erejesine daý aıta alady. Alaıda Konstıtýtsııalyq Sotqa ótinish berý úshin zańda belgilengen talaptar saqtalýy tıis. ıAǵnı azamat kez kelgen zańǵa qatysty shaǵym túsire almaıdy. Daý týǵyzǵan norma onyń konstıtýtsııalyq quqyqtary men bostandyqtaryna tikeleı qatysty bolýy kerek, — delingen vedomstvonyń jaýabynda.
Sonymen qatar ótinish Konstıtýtsııalyq Sotqa júginýdiń zańda kózdelgen talaptaryna saı bolýy qajet.
Buǵan deıin 2026 jyldyń alǵashqy toǵyz aıynda Konstıtýtsııalyq Sottyń quqyqtyq ustanymdaryn iske asyrý nátıjesinde 917 azamattyń quqyǵy qalpyna keltirilgenin jazǵan bolatynbyz.
Budan bólek Konstıtýtsııalyq Sot jer daýlaryna qatysty Joǵarǵy Sot qaýlysyn tekseretini belgili boldy.
