Zańnamany izgilendirýdiń kelesi kezeńi bas bostandyǵynan aıyrylatyndar ındeksin barynsha azaıtýǵa septigin tıgizedi - S. Aqylbaı
ASTANA. 25 mamyr. QazAqparat - Zańnamany izgilendirýdiń kelesi kezeńi bas bostandyǵynan aıyrylatyndar ındeksin barynsha azaıtýǵa septigin tıgizedi.
Bul týraly búgin Ádilet mınıstrliginde «QR keıbir zańnamalyq aktilerine qarjy-ekonomıkalyq qylmystardy odan ári dekrımınalızatsııalaý máseleleri boıynsha ózgerister men tolyqtyrýlar engizý týraly» zań jobasynyń tanystyrylymy barysynda senator Serik Aqylbaı osylaı málim etti.
«Dekrımınalızatsııanyń ózi qoǵamǵa joǵary deńgeıde qaýip tóndirmeıtin qylmystardy dáıekti túrde qylmystyq zańnamadan alastatý degendi bildiredi. Sondyqtan da, zań jobasynda birqatar qylmys quramy qaıta qaralyp, onyń qoǵamǵa zalal keltirilmeıtinderiniń dárejesi ózgertiledi. Aýyr emes, ortasha qylmys túrleri de dekrımınalızatsııalanady. Al osyndaı izgi sharalardyń nátıjesinde bas bostandyǵynan aıyrylǵandar ındeksi tómendep, túrmelerde jazasyn óteıtinder qatary da birshama azaıatyny kútiledi», - deıdi senator.
Onyń aıtýynsha, quqyq qorǵaý organdarynyń qyzmeti ekonomıkalyq qylmystardyń bolýyn eskertýge negizdelip, aýyr jáne asa aýyr sanalatyn qylmystardy ashýǵa kóbirek nazar aýdarylady. «ıAǵnı, ekonomıkalyq qylmystarǵa oraı eń bastysy materıaldyq shyǵyndy qalpyna keltirý jaýapkershiligine kóp mán berilip, shalys basqandardy mindetti túrde túrmege toǵytýdy boldyrmaıdy», - deıdi depýtat Serik Aqylbaı.
