Zańnamalyq jumystardyń mańyzdy aspektisi - «jasyl ekonomıkaǵa» kóshý úshin quqyqtyq jaǵdaı jasaý - Elbasy
ASTANA. 3 tamyz. QazAqparat - Zańnamalyq jumystardyń mańyzdy aspektisi - jańaratyn energetıka men ekologııalyq taza tehnologııa negizdelgen «jasyl ekonomıkaǵa» kóshý úshin quqyqtyq jaǵdaı jasaý.
Bul týraly búgin QR Parlamentiniń besinshi shaqyrylymynyń ekinshi sessııasynyń ashylýy barysynda sóz sóılegen Memleket basshysy Nursultan Nazarbaev málimdedi.
Óz sózinde agrarlyq, ındýstrıaldy-ınnovatsııalyq jáne qarjy sektorlaryna jańa zańnamalyq normalar engizý mańyzdylyǵyna toqtalǵan Memleket basshysy: «Zańnamalyq jumystardyń mańyzdy aspektisi - jańaratyn energetıka men ekologııalyq taza tehnologııa negizdelgen «jasyl ekonomıkaǵa» kóshý úshin quqyqtyq jaǵdaı jasaý. Bizdiń «Jasyl kópir» jahandyq bastamamyzdyń máni de osynda», - dedi.
Sondyqtan da Elbasy energııa jáne sýdy únemdeý, «jasyl tehnologııalardy» paıdalaný, ekologııalyq týrızmdi damytýdy zańnamalyq yntalandyrýdy keńeıtý qajettigin basa aıtty.
