Zańnamalyq ózgerister qaǵaz betinde qalyp qoımaýy tıis — Májilis spıkeri
ASTANA. KAZINFORM — Elimizdegi zańnamalyq ózgerister qaǵaz betinde qalyp qoımaýy tıis. Ózgeristerdi elimizdiń ár turǵyny, ár otbasy sezinýi kerek. Bul pikirdi Májilis tóraǵasy Erlan Qoshanov keltirdi.
— Búgin depýtattar bıýdjettiń kiris bóligindegi problemaǵa erekshe toqtaldy. Kóterilgen máseleler jańa Salyq kodeksin qabyldaýdyń ózektiligin taǵy da kórsetip otyr. Bastysy, depýtattar jańa salyq jáne bıýdjet kodeksteriniń normalaryn bir-birine sáıkestendirdi. Tutastaı alǵanda, jańa salyq saıasaty barlyq olqylyqtyń ornyn toltyryp, túsinikti ári ádil erejeler qalyptastyrdy. Biz jónsiz salyq jeńildikteri men buralań tustardy alyp tastadyq. Depýtattar qoldanystaǵy salyq jeńildikteriniń tıimdiligine berilgen baǵany bıýdjettiń atqarylýy jónindegi árbir esepten kóretin bolady, — dedi Erlan Qoshanov Májilistiń jalpy otyrysynda.
Sonymen qatar Májilis tóraǵasy salyqtyq ákimshilendirýdi kúsheıtý qarastyrylatynyn aıtty.
— Іshki jalpy ónimniń ósý qarqyny birtindep údep kele jatqany baıqalady. Sońǵy bes aıda ishki jalpy ónimniń ósimi 6 paıyzdy qurady. Negizgi kapıtalǵa salynǵan ınvestıtsııanyń ósimi — 18 paıyz. Barlyq áleýmettik mindetteme tolyq kólemde oryndalyp jatyr. Bul Memleket basshysynyń ekonomıkany damytý jáne kásipkerlikti qoldaý jónindegi naqty tapsyrmalarynyń nátıje berip jatqanyn kórsetedi. Endigi kezekte, osy qarqyndy bıýdjet kirisiniń naqty ósimine ulastyryp, ınflıatsııa men baǵany tómendetýge oń yqpal etýine baǵyttaýymyz qajet. Ózgerister qaǵaz betinde qalyp qoımaýǵa tıis. Ony elimizdiń ár turǵyny, ár otbasy sezinýi kerek, — dep tolyqtyrdy spıker.
Buǵan deıin Erlan Qoshanov bıýdjettiń ıgerilý barysy depýtattardyń basa nazarynda bolatynyn aıta kele, Úkimettiń derbes jaýapkershiligi artatynyn tilge tıek etti.
Sondaı-aq Májilis tóraǵasy Ulttyq qor men syrttan qaryz alý ósip jatqanyna alańdady.