Zańnamalardaǵy qarama-qaıshylyqtardy joıý qajet - professor R.ıÝrchenko
ASTANA. 14 jeltoqsan. QazAqparat /Arman Asqarov/ - Qazirgi qoldanystaǵy zańnamalardaǵy keıbir qaıshylyqtardy joıyp, bir izge túsirý qajet.
Aıtalyq, Qylmystyq kodekstiń keıbir tustary Ata zańymyz - Konstıtýtsııaǵa qaıshy keledi. Bul týraly búgin Astanada ótken «Qazaqstan Respýblıkasynyń qylmystyq atqarý zańnamasyn jetildirý» taqyrybyna arnalǵan «dóńgelek ústeldiń» otyrysynda zań ǵylymdarynyń doktory, professor Raısa ıÝrchenko aıtty.
«Bizdiń Ata zańymyz - Konstıtýtsııa kez kelgen azamattyń bostandyǵyna onyń týǵanynan bastap kepildik beredi. Ol týraly elimizdiń bas qujatynda anyq jazylǵan. Eger Qazaqstannyń azamaty qandaı da bir qylmystyq iske barsa, onda onyń bostandyǵy shekteledi. Al Qylmystyq kodekste bul bostandyq shektelmeıdi, azamatty odan aıyrady. Demek, biz adamdy onyń týǵanynan berilgen bostandyqtan aıyryp, Konstıtýtsııaǵa qarsy shyǵamyz. Sol sebepti Qylmystyq kodekste «bostandyqtan aıyrý» degen sóz «bostandyqtan shekteý» degen sózben almastyrylýy tıis. Osyndaı qarama-qaıshylyqtar Qylmystyq kodeks pen Qylmystyq atqarý kodeksinde de joq emes. Máselen, Qylmystyq kodekste sottyń sheshimi birden iske asýy tıis bolsa, Qylmystyq atqarý kodeksi boıynsha ol sheshimge bir aıǵa deıin ýaqyt beriledi. Sot sheshiminiń oryndalýyna baılanysty osyndaı qarama-qaıshylyqtarǵa jol bermeý qajet», - deıdi QR Joǵary sotynyń otstavkadaǵy sýdıasy, ǵalym R.ıÝrchenko.
