Zańnamada 10 000 AEK-ten astam aqshany saqtaýǵa tyıym salynbaǵan – Kirister komıteti

ASTANA. QazAqparat – QR Qarjy mınıstrligi Kirister komıtetiniń habarlaýynsha, zańnamada 10 000 AEK-ten astam aqshany saqtaýǵa tyıym salynbaǵan, dep habarlaıdy QazAqparat.

Komıtet taratqan aqparatqa qaraǵanda, jalpyǵa birdeı deklaratsııalaýdyń ekinshi kezeńinde 2023 jylǵy 1 qańtardan bastap aktıvter men mindettemeler týraly deklaratsııany (250.00-nysan) kvazımemlekettik sektordyń, memlekettik mekemelerdiń qyzmetkerleri jáne olardyń jubaılary tapsyrýǵa tıis.

Aktıvter men mindettemeler týraly deklaratsııada aılyq eseptik kórsetkish (AEK) mólsheriniń 10 000 eselengen mólsherinen aspaıtyn qolma-qol aqsha kórsetilýi kerek.

Bul rette, zańnamada 10 000 AEK-ten astam qolma-qol aqshany saqtaýǵa tyıym salynbaǵan.

«Osyǵan baılanysty jeke tulǵalar aqshany qolma-qol nemese qolma-qol aqshasyz nysanda saqtaý máselelerin, sondaı-aq olardyń somasyn ózderi sheshýge quqyly»,-delingen habarlamada.