«Zańnama ınstıtýty» JShS memlekettik mekemege aınaldy - R.Túsipbekov
ASTANA. Maýsymnyń 14-i. QazAqparat /Muratbek Maqulbekov/ - «Zańnama ınstıtýty» JShS-nyń uıymdyq-quqyqtyq nysany memlekettik mekemege ózgerdi. Bul týraly mınıstrliktegi kóshpeli Úkimet saǵaty barysynda QR Parlamenti Májilisiniń depýtattary aldynda sóılegen sózinde QR Ádilet mınıstri Rashıd Túsipbekov aıtty.
«Memleket basshysynyń tapsyrmalaryn oryndaý jáne zańshyǵarmashylyq qyzmetiniń tıimdiligin arttyrý maqsatynda Úkimettiń 2010 jylǵy qańtardyń 22-sindegi qaýlysymen «Zańnama ınstıtýty» JShS-nyń uıymdyq-quqyqtyq nysany memlekettik mekemege ózgerdi. Sonyń nátıjesinde kommertsııalyq uıym ǵylymı-zertteý ortalyǵyna aınaldy», - dedi R.Túsipbekov.
Mınıstr Zańnnama ınstıtýtyna erekshe vedomstvoaralyq mártebe berilgenin, zańnamalyq bastamalardyń barlyq sýbektileriniń zańjobasy qyzmetin ǵylymı súıemeldeýdi qamtamasyz etýge tıis ekenin atap ótti. Onyń negizgi negizgi maqsaty - zańdar, ǵylymı tujyrymdamalar jobasyn ázirleýge qatysý, memleket qyzmetin quqyqtyq qamtamasyz etý salasynda irgeli jáne ǵylymı-qoldanbaly zertteýler júrgizý bolmaq.
R.Túsipbekovtiń aıtýynsha, Zańnama ınstıtýty sapaly kadr quramymen qamtylǵan, munda 15 ǵylym doktory, 22 ǵylym kandıdaty jáne 6 zań magıstri jumys isteıdi.
