Zańmen qamtamasyz etý suraqtary jónindegi Qoǵamdyq keńestiń otyrysy ótti
Sharaǵa Parlament Májilisiniń depýtattary, Bas prokýratýra, Qorǵanys mınıstrligi, Qarýly Kúshter ardagerler keńesi, ІІM Іshki áskerleri, QR prokýratýra organdarynyń ókilderi qatysty.
QR Qarýly Kúshterindegi azamattardyń ótinish, shaǵymdarymen jumystyń jaı-kúıine baılanysty QR QM Ákimshilik departamentiniń bastyǵy R. Bekqadamov baıandady. R.Bekqadamovtyń habarlaýynsha, áskerı basqarý organdaryna kelip túsken ótinishterdiń kóp bóligi áskerge shaqyrý, áskerı qyzmettin óteý, áleýmettik sala máselelerine arnalǵan. Otyrys barysynda sóz sóılegen Parlament Májilisiniń depýtaty - QR Bas áskerı prokýratýrasy janyndaǵy zańmen qamtamasyz etý suraqtary jónindegi Qoǵamdyq keńestiń tóraǵasy A.Tasbolatov azamattardan kelip túsken ótinish, shaǵymdarymen jumysty keleshekte odan ári jetildire túsý, olarmen jumysty jedeldetý, qajetti shara qabyldaýǵa basa nazar aýdarý kerektigin atap ótti. Otyrys jumysyna qorytyndy jasaǵan Qorǵanys mınıstriniń orynbasary T.Muhtarov azamattardyń memlekettik organdarǵa, sonymen birge áskerı basqarý organdaryna ótinish jasaýy olardy qorǵaýdyń konstıtýtsııalyq kepildigin iske asyrý quraly, buzylǵan quqyqtardy qorǵaý jáne qalpyna keltirý tásili ekenin atap ótti. «Sondyqtanda osy saladǵy jumys áskerı basqarý organdary qyzmetiniń basym baǵyttarynyń qatarynda»,-dedi T.Muhtarov. Otyrysta sondaı-aq «Aıqyn» jobasynyń tusaýkeseri boldy. Tusaýkeserdi QR Bas prokýratýrasy quqyqtyq statıstıka jáne arnaıy esep Komıtetiniń mamandary ótkizdi.